Ujenzi wa mradi wa Maji Sawala - Halmashauri ya Mufindi, kutumia bilioni 1.8

Posted on: December 30th, 2017

Ujenzi na ukarabati wa Kituo cha Afya Malangali – Halmashauri ya Mufindi kutumia bilioni 1.8

Waziri wa Maji na umwagiliaji Mh. Mhandisi Isack Kamwelwe, amewahakikishia wananchi wa kata ya Mtwango halmashauri ya Wilaya ya Mufindi kuwa, mradi mkubwa wa Maji wa Sawala wenye thamani ya zaidi ya shilingi bilioni moja, utaanza kujengwa mapema mwezi januari mwakani mara baada ya kukamilika kwa taratibu za kutiliana saini na mkandarasi mteule.

Waziri huyo mwenye dhamana ya Maji nchini, ametanabaisha hilo wakati wa ziara yake ya kikazi Wilayani Mufindi, iliyokuwa na lengo la kukagua maendeleo ya miradi ya Maji inayotekelezwa Wilayani humo.

Waziri Kamwelwe, amesema baada ya Ofisi ya Mkurugenzi Mtendaji wa Wilaya kukamilisha taratibu zote za manunuzi na kumpata Mkandarasi atakaye tekeleza mradi huo, Ofisi yake inakamilisha uhakiki wa mkataba na ifikapo mwezi wa kwanza mwaka 2018, itatoa kibali kwa Ofisi ya Mkurugenzi  ili aendelee na hatua ya mwisho ya kusaini kandarasi hiyo yenye jumla ya shilingi bilioni (1.8).

Mradi wa Maji wa Sawala unatarajiwa kujengwa na kukamilika  kwa muda wa  kipindi cha miezi (12) huku wakazi wa Vijiji vinne vya Mtwango, Kibao, Sawala na Lufuna ndio watakao nufaika na mradi huu, ikiwa ni utekelezaji wa shabaha ya Serikali inayokusudia kutatua kero ya Maji kwa asiliamia (85) kwa wakazi wa Vjijini ifikapo mwaka 2020.